Қазақстанда қуаты 2,8 ГВт-қа дейінгі АЭС құрылысы қарастырылуда - Энергетика министрлігі.

Нұр-Сұлтан. 16 желтоқсан. KAZAKHSTAN TODAY - Қазақстанда Жамбыл ауданында, Ұлкен ауылына жақын жерде қуаты 2-ден 2,8 ГВт-қа дейінгі атом электр станциясын салу қарастырылуда, хабарлайды ҚР Энергетика министрлігінің баспасөз қызметі.

Сондай-ақ ядролық технологияның әлеуетті жеткізушілерімен келіссөздер жүргізілуде, барлық жеткізушілердің ұсыныстарын бәсекелестік негізде қарастыратын үкіметаралық комиссия құрылды", - деп мәлімдеді министрліктен.

Жаңартылатын, альтернативті энергия көздері мен газ генерациясын енгізу электр энергиясының тұтыну көлеміндегі көмір генерациясының үлесін айтарлықтай төмендетуге мүмкіндік беретіні атап өтілді.

Осылайша, 2035 жылға қарай жылына 44 млн тонна СО ₂ деңгейінде көміртекті өтемақыға қол жеткізу жоспарлануда. Энергетикалық көздер штаттық режимде жұмыс істейді, жылу маусымы тұрақты өтуде. Жүзеге асырылып жатқан жобалар бастапқы ресурстармен жеткілікті көлемде қамтамасыз етілген", - деп қосты ведомствода.

Еске сала кетейік, 2024 жылғы 6 қазанында өткен республикалық референдумда азаматтардың көпшілігі АЭС салу идеясын қолдады.

Бұған дейін Энергетика министрі АЭС салуға дайындық туралы айтты.